MALAI SHAKHUA LEH THAZIING LAP
Pu Liankhothang Vaiphei
Secretary: Custom and Culture, VPC
Nidanglai Vaipheite Shakhua chuh ‘PUSHA HO’ a kiti. “PU” ti chu mihing ah ei lah siamtu/eilah suantu tina a hi. “SHA” tichu thagau tina ahi. “SAKHUA” ti thumal hi le PUSHA ah pat siam dawk thumal a hi. “SHA” thagau, ”KHUA” gam/khawvel a hi. SAKHUA tichu thagau gam/thagau khawvel tina a hi. Pu leh Pate gin dan ah chun mihiam hi thagau khat in a siam a hi tihih a hi. A khang a khang ah a ginuh, a kihilsawnuh chu, mihiam hun siam thagau chu a min “YAH” a hi. ‘YAH’ min tung chu ‘YAHWEH’ (JEHOWAH) a hi a tiu ah a za ma mau.YAH kiang in hiti hin kipakthu a gen sekui.
A bulsut ta ningla YAH, nang la hi
Mihing kipatna hilta ning lah YAH, nang la hi.
Mihing hung kuandawkna Ti tang e aw, YAH.
Tin mihiam, siamtua hina gen in a paksekui.
YAH hi thil bangkim hithei leh a hat chungnung pen a hin, ama min kisuana mun in thithate a um ngam puau tin a suang mamau hi. BU-AI, SA- AI, THAZING LAPNA leh gualnawp a bawl hunua LAMPAK LA a sak di phat uh leh a lakua buaina, siatna thithate’n hun tunsak khan’au tin YAH hi a ko masa sekui. Numei pawsal kikal hel in a ding kualua, thip bek in chawmkhat a um ui. A thip sungua hin khuang bengpa hi aw git ngaitak in a hung kiko ah ‘YAH’ (PATHIAN) chu hiti hin a hun ko hi.
YAH, E, YAH, YAH E
YAH E, YAHWEH
Zia zotak hi leh lam apansekui.
YAH hi mihiam leh tuisuagiat siamtu a hina pak in leh ziate haw a siamlai ah chun UIZO ( rainbow) lian tak gual in a kilaak ah, lei lung kimvel in KAWLPHE nasatak gual in a vak hi tin a nuai ah kipia biakna thu ah hin a pakui.
Van thamzawl in la hung kipan ah
Tuisuagiat ah la hung chu,
Uigupi’nla hung kithung ah,
Manmashi naute la hunsiam ah,
Kawl la hun kimvel ah
Lithimpi la hun bawl ah,
Limangpi la hun bawl ah,
Pu leh Pa la hun siam ah,
Pu ho ngai pa ho ngai
Zia biakna thu hi tawh thil kibang Bible in mun tamtak in a um hi.
Damlo, thithate bawl hi ah a hiatteu thawinan zia thu hi gen in thithate a vau sekui.
Tuilu, tuitaw ah tantenthau in
Nang, tannu, nangtanpa
Mihiamchung ah sialeh khan
Pang theipuanlah
Tha tan keiPathiankhutsuak
Manmashinauka hi
Nang, zinglamchapaLusifar (Isai 14: 12)
Mihingchung ah sialeh khan
Pang theipuanlah
Chung Pathian in a zanuampuai.
A chunglam ah kipiabiaknathutetilo hi lehbiaknathudangtamtak a um a, ziate haw ah chun le Puleh Pate khan PathianHing hi dettak in alah ho uitichiantak in a hiatthei hi.
Sui chilloziakingualluite hi Pathianholo,thingbul, suangbul, tui-lu, tui-taw hodan in ilahngaituakhau hi. I pulehpateu in bangmatikinmilimsiamkawm a ho khapuau. Gulpi, Pheisam,tui-lu, tui-taw, thingbul, suangbul ah ten ganthisanalah the sekui.Ahinlah, ziatak ah a thilbawlteuchule, Pathian a hi tia a ho uh lehabiaknauahipuai. Phatchuamnakhat in kizawlluingdamna(Propitation) abawl uh ahi.
Mimasatehin ‘YAH’ YAHWEH hi a gen maimaipuau, PUSHA a hi lo leh CHUNG ah Pathian a tizawsekui.
CHINHIL atunnung un midangte ho lehbiaknatawhchawk-hel in ho danthianglo a hunzuiui. A da um chupuleh pa ten THUTHUNG THAK ahthuthakalahhiatlo uh hi a hi.
THAZIING LAP
THAZIING LAP hipulehpate’n KHAWVAIPHEI ah a chenlaiuaalah pat dawkuh a hi. AD 1600 kipatlimlaiin KHAWVAIPHEI gam kai in KIALPI alahtung hi. Zia KIALPI hiupate’n “THINGPI TAM” atiu hi. Gualehdaikituploziak in annapiangpuai. A gam mite nektasam in a gentheimamau. Gam ah ansia-buha, kaitem, lumpiallehnektheidangtehawl in ann in aneu hi. Mivangsiakhenkhatvangchubahakhuk ah lei in chip khum in a thidenui. THINGPI TAM ahannhaksatdan hi kam ah gen hin a phazopuai. Dangka sum um masanga hi. Van leh van, thillehthilkisangtua ah van kichawktualaia hi. THINGPI TAM KIAL ahhinthingtangpa go lulpendakpikhathinanchang a laikuak (dakpilaikuak) dim khel a chaw zopuai. KIAL ziak in mi tamtak in KHAWVAIPHEI gam nusia in gam dang in a pemdawk tau. A pemdawkloKhawvaipheiChatehinmimvuipha, changvuipha mu kit kalngakla in kumlehthakihei di a thilui.Zia gualhunsiahin a tawmpen in kumthum a luasek hi.
Hun chawmkhatzo in guatui a hung tam ah nisat a hung hawi kit ah kumpha a hung kile kit tai. Lo gam ah bulehbal, mimlehchang a hung piang kit ah, an thakmelphatakkining ting tak a neikitteu hi kipak in gualnawp bawl ahunpanui.
Thaziing La hi upaten CHINHIL gam ah la kiphuaklak ah amasapena hi tin a genui. A nuai ah kipiaThaziing la hi kumpha hung kile kit ah Thaziing Lap a bawlnau ah alasak uh a hi.
Tampui a tai
KhawsakVaiphei a
Thuanggualuang in
Kumsul in vei e
Vangkhualaam bang
A zolobei e
(khawsakvaiphei ah kial a tung hi. Tuhinchuguazuk a phatan, kumphaahungkile kit tai. A khualeh gam ah chengte a nuamsa lo a um ta puau)
“THAZIING LAP sung ah hinnungaklehtangval a kimudapente le kingai in a kichengziangsekui” tin upatenThaziing Lap nawpdanleh a thaaklaa um dan a genui.
Thaziing Lap sung ah nungak- tangvalkingaikichenglo- tangvalvangsia, liangvai pa la phuak CHULJANG LA khat en hi tiu.
Sawltha hung suak sing seng e
Ngunhigaal ah
Ka I mang in vangngai
Lungchingkawiing e
Tak ah jangthik bang gawplo
Vangngailungching
Lauthanchawng sum bang tu e
Thinlai lung a.
CHULJANG LA hi le Thaziing Lapna ziak ah hung kiphuakdawk Laaa hi.
Kum phat kum leh Thaziing Lap hi thakhat pumlum sung le a mangui. Mi inn-cheng, a thanuam a tam vang leh vawk leh sial tuak in nungak-tangvalte Thaziing tualmei thing di puaksak in Thaziing Lap hi ni tamtak a belap sekui. Hitia sial leh vawktuak ah gualnawp belap mite hi THAZIING LAP lazo, mihat a hi tin zaana sangtak a piau. A laamtualua hin suang le a phu sekui. Kum leh hun a phat lo kum leh chu THAZIING LAP hi a bawl thei puau.
THAZIING LAP hi lasak, laam, zunek, sanekna bep in a mang puau. Kum hung tung ding ah khua leh gam kivaipuakna di thu hausa leh upaten a gen ui.
THAZIING LAP hi KHAWVAIPHEI GUALNAWP, NAMPI AWGIT a hi.
Vangsiat ziak in AD 1670 vel ah kipat ah khan Gal zam leh kial tai hi I pu leh piteu hinkhua alah hi khak tak ziak in chenna mundet I nei ta puau ah pu-pa nun le thaw thei ta lo in kum 300 lam ilah um ui. AD 1910 ah Khristian Shakhua a hung lut nung vang ah hin chawn leh khan natiang le ho leh biak tawh kituak lo a hi tin tam tak I paitha kit nalaiui.
